未做得鍾意嘅運動！任達華過完年正式開工

曾與蔡卓妍合演電影《雛妓》的藝人任達華，亦有出席對方的雙料影后慶功宴送上恭賀。早前在內地工作期間遇襲的任達華傷愈近半年，最近亦頻頻運動，狀態不錯，他透露農曆新年後便正式投入工作：「依家身體情況好好，開始跳吓繩又跑得步，『keep moving, keep walking』繼續向前行。依家要選擇性做一啲運動，我好鍾意拎啞鈴，但係拎啞鈴就做唔到，因為膊頭都撕裂咗，所以慢慢嚟啦，我可以跑多啲步，過完年後就會喺澳門同馬來西亞開始拍嘢。」