新劇收視贏《鳳弈》！張兆輝多謝觀眾支持

藝人張兆輝在將軍澳電視城，出席新劇《黃金有罪》宣傳活動，劇集收視比起前劇《鳳弈》收視上升，他說：「觀眾嘅眼睛係雪亮，多謝觀眾支持，所以點解我哋咁忙碌去做宣傳，都係想觀眾有一套好有戲味嘅劇可以睇吓。自己冇刻意去留意收視，覺得只要有觀眾睇就可以慢慢吸啲收視返嚟。」他稱不清楚現時的收視標準，笑言等到有日監製請食魚翅撈飯就知道達標，到時亦請飲紅酒慶祝。

講到劇中不少演員皆有火辣咀戲，張兆輝說：「我同姚子羚啲咀戲就好浪漫、唯美，唔同洪永城嗰啲咁猴擒，有場咀戲拍攝時，直情係冇掂嘴，直到講我哋兩個拍拖先有接吻戲。」