唔怕洪永城亂咁咀！陳瀅話自己反而手多多

無綫劇集《黃金有罪》演員陳瀅與陳自瑤在將軍澳電視城為新劇宣傳。兩人劇中分別與洪永城有咀戲，雖然他缺席但仍遭一眾演員擺上枱，笑問兩人有沒有被洪永城「洗牙」。

陳瀅被問到與洪永城拍咀戲前有否溝通？她笑說：「反而係我唔同佢溝通，試過Roll機時捉佢隻手放喺我心口上少少度，因為預先講咗就冇即時反應，就會唔好睇。」她認為做演員要有適合的肢體語言亦要信任拍檔。

陳自瑤透露與洪永城拍咀戲前也沒有認真溝通，但過程順暢，洪永城亦沒有加任何動作，她笑說：「反而係我自己覺得好似咀咗好耐導演都未嗌Cut機。」

對於有指花旦私下稱洪永城做「多嘴城」，陳瀅笑說：「唔係我改，咁我係多手瀅，哈哈！」陳自瑤亦力撐拍攝時感覺ok。