海俊傑飛起老婆　陪關嘉敏睇舞台劇

歌手海俊傑與同門Carman（女子組合BINGO成員關嘉敏）一齊欣賞舞台劇尾場，原來是海俊傑知道Carman對舞台劇及演戲充滿興趣，近期又積極學習武術，所以就邀請埋Carman一齊睇舞台劇，順道支持一班好朋友。

海俊傑表示：「本身我係非常鍾意睇舞台劇，仲更鍾意做舞台劇，有次同Carman傾偈知道佢原來對演戲同舞台劇都咁有興趣。所以就放咗我老婆飛機，帶Carman一齊去觀摩下。」

Carman則表示：「好多謝海俊傑帶我嚟睇舞台劇，因為佢知道我鍾意武術同埋學功夫，於是帶埋我過嚟睇呢套舞台劇諗住畀我學吓嘢偷吓師。」