應四大長老要求　駱胤鳴結婚擺30圍

組合「SIS樂印姊妹」成員駱胤鳴出席電影首映，提到早前圈外男友「哈士彬」瞞着她在主題樂園補送驚喜求婚，她卻感覺被呃好嬲，問她現在嬲完未？她笑說：「嬲完，不過嗰日冇化妝嘛！如果知被求婚會化行妝，起碼着條裙，睇番啲相好樣衰，我要佢再求一次，佢話我貪心，話戒指好貴。（戒指幾貴？）唔敢問，驚要孭數。」

她透露婚禮定於12月27日，中午註冊，原本擺25圍，因好多人要出席，現估計要筵開30圍。她說：「其實我哋原本冇諗住擺酒，出門都唔搞，旅行結婚，不過四大長老（雙方父母）覺得應該要搞，冇壓力嘅，佢哋係有期望，奶奶話乜就乜，媽咪話乜就乜。」