【閨蜜睡房】陳家樂願意封盤 做個多仔公

2020年01月23日 00:00
東網電視
更多新聞短片
大家記得收睇!
現年33歲的「男神」陳家樂事業正處上升軌道,然而他認為事業與家庭可以並存,也期待成家立室,憧憬將來有一個屬於他自己的家庭,更想做多仔公呢!
陳家樂今個農曆新年夠晒巴閉,有兩套賀歲電影輪住上畫,分別是《我的筍盤男友》及《緊急救援》,忙於為電影宣傳的他建議大家可以兩套都捧場,他笑說:「新春檔期可以一日睇超過一套戲。」家樂應邀為東網巨星炮製的節目「海馬牌床褥特約」《閨蜜睡房之Brother來了》擔任嘉賓,與主持人李文珊(Sherman)分享與戲中拍檔合作的感覺。
笑點低頻NG
在電影《緊急救援》中再次與彭于晏合作,家樂對他讚不絕口:「佢為咗每個角色,事前做咗好多準備工夫,佢好勤力,為咗角色去鍛煉體能。」至於與師妹李靖筠合作的愛情小品,他笑說:「佢幾得意,好聰明,唔好以為佢傻吓傻吓就恰到佢。」他自嘲笑點好低,自爆每一個笑話也要NG十次,因為實在忍不住笑。
曾經與衛詩雅、陳瀅傳過緋聞,至今仍屬單身的他,雖然事業正處於衝刺期,但坦言都想結婚:「有事業都可以結婚嘅,不過要遇到有啱嘅對象先,我會憧憬自己有結婚呢一日,希望有一個家庭,特別係好多小朋友。」究竟家樂目標想生幾多個小朋友呢?他又想訓練仔女做乜呢?想知道就星期五、六、日記得收睇《閨蜜睡房》喇!