「早婚媽媽」江若琳阻撓囡囡拍拖

藝人江若琳與劉美君演出ViuTV劇集《好人好姐》，飾演早婚媽媽的江若琳（Elanne），與小演員江芷銦有頗多對手戲，其中一幕講述Elanne為阻撓囡囡拍拖，二人吵架搞得差點雙方決裂。提到劇中這個「女兒」芷銦，Elanne對芷銦讚不絕口，問到會否萌生生小孩的衝動？Elanne說：「都有少少想呀！但如果未來有小朋友，我都唔會畀佢入行，因為我見到戲中個囡囡，一放學就嚟開工，又要喺片場度做功課，真係好辛苦，我見到都好心痛！」

Elanne預告老公Oscar（蕭潤邦飾）將會客串演出，不過對方卻諸多推搪，令Elanne既勞氣又無奈：「劇組話呢個安排好有意義，索性搵佢做我劇中真命天子，所以邀請佢客串呢個角色。不過Oscar好避忌同怕羞，因為佢真係唔識做戲，仲話唔好畀佢講咁多對白，為免佢太緊張，最後只係得兩場戲，兩場都唔會超過兩句對白，所以佢勉強都應付到嘅。」