東方日報C1:祖兒到賀 阿Sa雙料影視后慶功

2020年01月23日 03:33
東網電視
更多新聞短片
阿Sa獲封雙料影視后,老闆楊受成為她搞慶功,好姊妹現身祝賀。
英皇藝人蔡卓妍(阿Sa)早前成為雙料影視后,前晚獲老闆楊受成搞慶功,經理人公司的兄弟姊妹包括容祖兒及任達華等到賀,場面相當熱鬧。阿Sa人逢喜事精神爽,戴着巨型鑽 戒滿場飛,又成為集郵對象。稍後她將飛往馬來西亞拍網劇,出發前希望新年「開局」發橫財!
阿Sa早前於《2019澳門國際電影節》及《澳門國際電視節》頒獎禮中,分別憑電影《非分熟女》及網劇《PTU機動部隊》奪得「最佳女主角」,成為雙料影視后的她,前晚獲經理人公司老闆楊受成牽頭,為她於銅鑼灣舉行慶功宴,一眾英皇兄弟姊妹容祖兒、任達華、陳家樂、衛詩雅及湯怡等齊齊分享喜悅。
Twins合體馬國拍劇
戴巨型鑽戒的阿Sa,帶同兩個獎座興奮滿場飛。得獎至今已一個月,但完全沒有慶祝活動,她解釋:「今晚咪慶祝囉!大家都好高興,心意知道就得,好耐未試過咁齊人。」農曆新年將至,她笑說:「每年都會去老闆(楊受成)屋企拜年兼開局,我以往斬獲都幾多㗎!」
至於工作計劃,阿Sa透露Twins將合體到馬來西亞拍攝網劇:「同阿嬌(鍾欣潼),仲有關智斌、何珮瑜(Jeana)合作,都幾期待,況且呢個劇本係近年我睇過入面最好睇嘅一個,預算我要留喺馬來西亞幾個月,方便進行拍攝。」
而容祖兒上周六於澳門順利完成音樂會,她透露開騷當日上午喉嚨突然劇痛:「好彩我哋真係『藥箱都變成首飾箱』啫,有好多藥喺度,即刻啪咗粒。呢兩日去咗針灸放血同刮痧,依家兩隻手都刮出啲火嚟,所以應該會好啲㗎喇!」談到早前的膝頭勞損傷患,她透露仍處於康復狀態:「跳完舞要即刻敷冰,之後要浸番啲熱水,令血液循環,同埋盡量喺演出以外遠離高踭鞋,唔好太大嘅工作量。」
大年初一正式展開世界巡迴演唱會的祖兒,首站是美國拉斯維加斯,不過今次容母不會同行,祖兒說:「佢想留喺香港,多啲時間同BB(祖兒弟弟的女兒)收利是、拜吓年咁。Mani(霍汶希)會照顧佢、接濟佢呀!因為霍家逢初一、初二都大排筵席,髮菜蠔豉、鵝掌、花膠、海參任食,媽咪一定有口福。」
衛詩雅北海道傷腳:斷咗4/5
英皇小花衛詩雅(Michelle)前晚出席慶功宴時撐拐杖現身,原來約一個月前她與友人到北海道滑雪發生意外,導致左腳嚴重骨裂:「聖誕節同朋友去玩,上雪山時發現坐緊架卡車開行中,我成個人凌空咗,諗住唔係好高就跳落去,點知墜地時個身扭咗但隻腳冇扭,立時聽到『啪』一聲。」她被送到當地醫院,發現情況較想像中嚴重:「左腳骨折,醫生話已經斷咗4/5,剩番少少黐住,如果斷埋會好麻煩。(有冇喊?)想,但忍住,第二日我即刻返港求醫,搵到個好好嘅中醫師診治。我冇諗過骨折會搞咁耐,起初隻腳腫到嚇人,又變黑色,依家已經好番好多。」
另外,去年曾於內地遇襲受傷的任達華,最近頻做運動操肌,農曆新年後會正式投入工作:「開始跳吓繩又跑得步,但要選擇性咁做,舉啞鈴就唔得住,因為受傷時膊頭撕裂,仲未完全康復。」
更多新聞,請瀏覽東方日報網頁: