有同林耀聲聯絡　沙律新一年想出書

鼠年將至，不少人忙於為家居大掃除及貼揮春！香港開電視主持馬梓軒特意到訪張沛樂（沙律）香閨，與她一起清潔及布置，家居頓時煥然一新，沙律笑道：「雖然依家自己一個人住，不過執屋一啲都唔攰，一來自己平時做開家務，二來你喺度幫手嘛！」過去一年，沙律跟拍拖多年的林耀聲分手，她表示：「回復單身咪有新嘗試囉！不過現階段都係專注事業先，感情嘅嘢順其自然啦！我同阿聲係朋友，間中都有聯絡嘅！」

談到新年展望，沙律透露早前為香港開電視拍攝《美少女日本民宿》，她坦言很期待節目播出：「今次係我第一次做主持，仲去到日本拍，係一個好好嘅體驗，當然主持技巧仍然有進步空間啦！」沙律又希望新一年可以出書，藉此呈現另一面的自己。