張慧儀即將全面復出　望仔仔能體諒

藝人張慧儀接受香港開電視節目《開工大吉77》專訪，大談於馬來西亞度歲趣事，她說：「復出之後一年都冇放到一次假，所以好想返馬來西亞同家人過年！不過我好乖，每次返去都會幫媽咪洗廁所，會話畀個仔知第時都要幫手！」近期留港發展的她，笑指也不時食馬來西亞菜式以解思鄉情懷：「我食到宜保芽菜好開心，因為肥大過香港嗰啲好多，所以真係好懷念，早排返去攞獎都把握機會食餐勁！」

慧儀更揚言將全面復出，寄望愛兒能體諒媽咪工作忙碌：「我依家拍緊電影，之後就會拍攝網劇，去到下半年先有時間休息，好在個仔依家都大個，我有番私人時間去搏殺。」