大玩中女廚房　苑瓊丹豪言廚藝天下無敵

藝人苑瓊丹日前應香港開電視《娛樂頭條E-News Headline》主持馬梓軒邀請入廚整兩味，她自嘲廚藝「天下無敵」：「我間中女廚房都未開過門，所以咪無敵囉！」不過話雖如是，這日苑仔炮製賀年食品時有板有眼！苑仔表示新年家中有不少年糕、蘿蔔榚、芋頭糕，或蒸或煎或炒已冇新意，所以提供兩款烹調方法，苑仔說：「冰火二重奏係甜品，年糕薄切放平底鑊煎香，煎時碎剪橙皮，然後加少少橙汁和白蘭地，煎到金黃色上碟，配埋雪糕一齊食，清香到呢！」

第二款係「哈哈步步高」，苑仔說：「蘿蔔糕厚切炒香後上碟，熟蝦剥殼後放上蘿蔔糕面，然後爆香蔥蒜薑和蝦頭，加水收汁，將汁淋落蘿蔔糕度，惹味到不得之了呀，大家都不妨試下！」刻下苑仔正為香港開電視主持《開工大吉77》節目，她笑說：「新一年我祝願大家開工大吉！至緊人人有工開！」