李日朗初一遇正38歲生日　收銀紙冧滋滋

藝人李日朗（Don）今日38歲生日牛一，跟朋友圈分享的短片中，見Don坐在一個生日蛋糕前，之後模特兒女友黃靜藍叫他用雙手拎起生日牌，原來生日牌褦住一大串百元紙幣，大感驚喜的他不停嘩嘩聲，又說：「咩事呀？發達啦，可以買樓啦，真定假㗎，勁喎呢件事，我覺得呢個優良傳統可以每日都做一次。」女友笑罵他：「你好貪心」但隨即做了一個韓式畀心手勢，冧爆的Don也回贈同一手勢，相當甜蜜。

Don接受《東網》訪問時，稱過了個最Sweet的大年初一，而今年生日相當特別：「皆因新、舊曆同一日，第一份新年生日禮物，就係女友送咗個蛋糕畀我，嗰啲抽出嚟嘅錢全部都係真錢，好high㗎！（有幾萬蚊？）以佢咁孤寒嘅性格，梗係唔會啦，得15張咋，不過同佢拍拖都兩年幾，都有結婚打算嘅，但都要一齊努力先。」問到新年展望，他稱趁去年市道靜淡時，但已計劃好事業大計，相信今年發展更好。