撇甩蔣家旻 羅天宇自爆性慾強做足10幾粒鐘

20200125
東網電視
更多新聞短片
羅天宇性慾強?
藝人羅天宇(Joey)和蔣家旻(Angel)在多年前的處境劇《愛.回家》演兩兄妹深入民心,踏入鼠年二人有新突破,在新劇《香港愛情故事》中隔空再度合作,Angel演Joey的媽媽!Joey則自爆在劇中「性慾強」更與龔嘉欣有多場親熱場口,挑戰在不同狹窄地方拍「愛情動作片」!
同龔嘉欣第一次合作
兩人近年在事業上各有新挑戰,Joey自爆在《香》中有多個「第一次」:「今次同嘉欣第一次合作就有好多親密場口,劇中講我好鍾意佢,同埋好有性方面嘅需要,要成日喺好逼嘅地方發生親熱嘢,有啲場口要露上身同埋個股,但今次就唔會操到好大隻,因為個角色係冇咩錢,又要日日做足10幾個鐘,所以要盡量瘦啲,唔可以太大隻,如果唔係就會變得唔合理 。(會否驚尷尬?)同嘉欣唔熟,反而會放得開啲,同埋拍嘅時候身邊有好多工作人員,唔會好似觀眾睇得咁投入,一cut機就會抽離。」又指此劇題材相當貼地:「好似買樓或者同另一半相處嘅問題,中間有好多波折,就如鬧交場面,都好似講中自己嘅心底話。」
蔣家旻第8次做少女版角色
而Angel談到飾演Joey阿媽時,她說:「其實我係做龔慈恩嘅少女版,即係Joey嘅媽媽,大家喺唔同時空出現亦唔會有對手戲,呢次係我第8次做少女版嘅角色,雖然做咗咁多次,但係每次都有新感覺,同埋,劇中講我遇到梁証嘉之後結婚生咗3個,到後嚟我哋嘅婚姻出現問題令關係破裂,所以亦係我第一次做少女版係涉及複雜嘅情感戲,同以往嘅少女版唔同,都係一個新挑戰。」
幫手煎糕
至於問到在農曆新年時二人的習慣,Angel指每年家人都會包餃子,令全家人吃不停口:「因為父母係北方人就會包餃子,細個就跟媽媽學包,呢個係過年時一定做嘅嘢,同埋有時仲會包油角,就連個皮都係媽媽整,所以一過年就有好多好嘢食,一家人聚埋一齊好開心。」Joey則表示家中不太傳統,但自己會幫手煎蘿蔔糕:「近幾年屋企生意喺節日時會比較忙啲,變咗大家個節日意識冇咁強,但自己就好鍾意食蘿蔔糕,而我太婆亦好叻整年糕同羅蔔糕,佢嗰啲糕非常足料,咁我就負責幫手煎。」
場地:Mini Hotel CWB
Angel
Hair:Jay Cheung@Hair
Outfit:Amelie Street