肺炎肆虐唔帶狗　鄺美雲新春照探老友記

藝人鄺美雲（Cally）今日進行新春探訪活動，向長者派生果和風褸，但她全程未有戴口罩。由於武漢肺炎肆虐，問她可曾考慮取消？她坦言：「老人家每年都好想我嚟，所以我預咗今日一定嚟。我每年都會帶狗仔嚟同老人家表演，今年冇帶佢哋嚟，院長叫我哋一切從簡，好多表演同遊戲都取消，只係同老人家見吓面就得。」Cally認為休息最重要，要多喝水及避免去人多的地方，問到會否少了人去她家拜年？她說：「拜年都係照舊，因為大家都有衞生意識，啲人話用麻油同精油搽鼻可以殺菌。（你夠唔夠口罩？）要分享，唔好自己買晒，夠用就得。我比較少用，遮住好焗，所以會用精油同埋勤洗手。最緊要瞓多啲同增強抵抗力，心情都好重要，要保持開朗愉快心情，唔好太抑鬱，好多事隨緣，唔好諗到咁差，一切會好。」