港姐恨拍劇!黃嘉雯男友學「煲冬瓜」見家長

20200127
東網電視
更多新聞短片
三位港姐都希望有機會拍劇。
應屆香港小姐冠軍黃嘉雯、亞軍王菲與季軍古佩玲在農曆年齊齊打邊爐團圓,希望新一年財運、好運滾滾齊來。黃嘉雯早前與「A貨雷神」老外男友Matej返瑞士家鄉旅行,過新年男友則會到黃嘉雯屋企吃團年飯及拜年,Matej更學習「煲冬瓜」方便與女友家人溝通,她說:「佢依家學緊普通話,到時可以同我家人傾偈,不過,佢唔鍾意同我講,因為覺得我會challenge佢。同佢去按摩嘅時候,佢就會用普通話同啲姐姐溝通,基本對答都可以嘅。」
農曆年後黃嘉雯將要為參加華裔小姐準備,她笑說:「之前去瑞士旅行不停咁食,依家好似冇晒啲肌肉咁,不過去完旅行就好有正能量,得番一個時月時間又keep fit又要練才藝都有啲緊迫,不過自己就唔會戒口,會靠運動keep fit。」黃嘉雯希望選完華姐後能有機會拍劇,原來她一直有上堂學演戲,秘密裝備自己,最近亦狂煲《丫鬟大聯盟》令她恨拍古裝喜劇。
王菲想拍劇
現年23歲的亞軍王菲屬鼠今年犯太歲,她指新年間也會跟媽咪去攝太歲催吉避凶,她說:「自己唔算好迷信,但每年都會睇運程書,今年犯太歲要注意身體。」王菲指過年會去男友屋企拜年,閒時會與友人打麻雀消遣。她希望今年有機會入劇組拍劇,她笑說:「之前最想要拍《愛·回家之開心速遞》因為好鍾意睇,近排就煲緊《丫鬟大聯盟》,其實做咩角色都冇所謂。雖然冇特別學過演戲,但係都好留意人哋講對白同表情,自己就跟住模仿,對住空氣練習。」
古佩玲留港過年好開心
季軍古佩玲因到加拿大讀書,已經有五、六年沒有與家人一齊過年,今年與家人一起過年已經很開心,她說:「喺加拿大感受唔到過年氣氛,因為冇假放,嗰段時間又通常忙緊考試溫書,只能夠同朋友去打邊爐食飯,會好掛住屋企飯,掛住屋企嘅溫暖。」古佩玲亦希望今年有機會拍劇,等待公司安排。
場地:酒鍋
服裝:ST. JOHN Style、ST. JOHN Knits