帶定防疫用品出埠 馬國明新加坡採購口罩
20200128
東網電視
更多新聞短片
![](/hk/bkn/cnt/entertainment/20200128/photo/bkn-20200128124630083-0128_00862_001_01p.jpg?20200128130042)
馬國明去新加坡做嘢,都話要去買啲口罩返香港!
視帝馬國明今晨現身機場準備到新加坡出席商場演出,他戴住口罩接受訪問,期間有Fans要求合照,他亦有求必應。
馬國明透露將會跟鄭伊健同台演出,講到武漢肺炎疫情嚴重,問到搭飛機會否擔心?他說:「小心啲,都冇得擔心,原本年初二要去惠州做商演,都取消咗,但呢個活動冇取消,咁我一定要去,相信新加坡應該安全啲,自己都有準備口罩同消毒紙巾。(完騷後會唔會留喺當地休息一陣?)唔會啦!會即刻返香港,我父母喺香港,都擔心屋企人。(會唔會喺當地搜購口罩?)我哋都啱啱講起,要張羅吓,相信當地冇搶購得咁嚴重,可能都會買啲,希望香港都快啲有口罩買到,但呢啲等政府公布,希望大家都身體健康。」
問到返工後的工作有否受影響?他表示尚未清楚,已知道將要拍攝新劇《BB來了2》,暫時未有受影響:「我有帶劇本喺身,冇嘢做嘅時候都會刨吓劇本。」