細路都唔放過！黃嘉雯?晒妹妹全身利是

新年最令一班未婚人士開心、興奮嘅環節，應該都係?利是，唔少人都會主動出擊務求達到豐收效果，應屆港姐冠軍黃嘉雯（Carmaney）竟然連小朋友都唔放過，成功?晒小朋友身上所有利是！

一踏入鼠年就出旗袍Post，恭祝網民新年快樂嘅Carmaney，見佢喺IG Story上載「搶利是」片，着到成身紅噹噹、孭住士多啤梨利是袋嘅得意妹喺鏡頭前出現，一聽到Carmaney同朋友講祝賀說話兼遞晒手，就乖乖拉開拉鏈，心甘情願咁「繳械」，仲唔止派一輪，個袋有幾多就派幾多，直至派晒啲利是為止，認真爆笑！Carmaney都有留言笑話：「搶利是最佳年紀」，但相信佢都係同小妹妹玩吓，之後會畀番晒啲利是佢嘅！