洪嘉豪表演求突破　曾若華恨出多啲歌

歌手洪嘉豪與曾若華（Jude）應香港開電視《娛樂頭條E-News Headline》，主持馬梓軒邀請拍賀年特輯，兩人齊估賀年歌，又利用響鈴、沙槌和木魚配合獻唱大搞氣氛。新春佳節，Jude坦言最愛熱鬧，更會帶同愛犬四出拜年：「上年開始，啲鄰居會畀利是我啲狗，我都會封畀狗狗，當佢咃小朋友呀嘛！」嘉豪則最愛品嘗母親炮製的糕點，大讚對方廚藝了得：「我媽咪整蘿蔔糕好叻，加上啲料好足，佢整嘅蘿蔔糕同出面食嘅真係無得比！不過食得多都面對一個問題，就係會好肥！」

談及鼠年展望，Jude期望有更多新歌推出，嘉豪則希望演出水準能有所提升：「我想喺表演上可以做得更全面！以往有啲歌係比較抒情嘅慢歌，只要集中唱好首歌就可以，但當唱快歌嘅時候，要兼顧嘅就唔止係唱功，仲有肢體動作，希望今年可以改進呢樣嘢。」