張繼聰Rap英文打小人　一Take搞掂！

藝人張繼聰落力演出賀歲片《家有囍事2020》，夥拍黃百鳴及張智霖齊齊扮演「騙徒三兄弟」。阿聰甫開場即放笑彈，以摩登「小人佬」造型登場，以rap tone幫外籍人士打小人。拍戲經驗豐富的他今次竟被「考起」，直言有壓力：「呢場戲真係好難忘，事關講嘅英文唔係平時用開嗰啲，為咗搞笑要將平日打小人嘅台詞直譯成英文，問心講都幾難背，況且附近企咗好多演員一齊配合，所以特別好大壓力，唔想做得唔好。」

為準備這場戲，阿聰花了不少時間背誦對白：「埋位前係咁背囉，好想拍出嚟嘅效果有趣啲，可以令入場睇戲嘅觀眾大笑減壓，我又唔想喺啲外籍演員面前失威喎。導演要求一take，好彩我都做到佢要求，無驚無險過到關！」