羅天宇朱敏瀚李興華組金鼠吸金

無綫每到農曆新年前夕就會日播夜播，吸引客戶落廣告。呢日藝人羅天宇、朱敏瀚及李興華組成組合「超合金巴打Brovo」，三個靚仔惡搞名為「超合金鼠年恭喜發財點擊套餐」，曲線Sell佢哋Youtube頻道，笑言只要有得上網，就可以睇片多啲點擊。

而最搞笑就係無綫新年賀年套餐廣告，臨尾話搵徐小姐落廣告，點知今次就變成搵羅先生，即係羅天宇本人，仲寫咗一半嘅電話號碼，令唔少網友笑言係咪睇到幾次就可以真係可以打畀羅天宇，亦有網友留言話其實個電話號碼係假嘅，叫大家唔好咁認真！