《青蜂俠》翻拍！助手「加藤」花落誰家？

近年超英片大行其道，唔少電影公司爭相開拍相關題材，無論忠角定奸角，都有佢哋自己嘅獨立電影，近日傳出2011年台灣天王周杰倫參演嘅電影《青蜂俠》（The Green Hornet）翻拍！

曾擔任漫威影業總裁的Michael Helfant宣布取得《青蜂俠》翻拍版權，並即將開拍全新電影：「呢個係獨立品牌嘅經典超級英雄系列，我哋公司入面就有一堆粉絲，好興奮能夠為呢個傳奇故事增添新鮮嘅風貌，喺忠於原著精神嘅原則下，一個新的世界既有意義又令人興奮。」Michael Helfant表示：「細個《青蜂俠》係我最愛嘅電視劇，我愛入面嘅一切包括青蜂俠、加藤，當然仲有黑美人，佢哋係最型！」

其實呢個亞洲人角色「加藤」唔少人出演過，好似有陸錫麟（1941年電影版）、李小龍（1966年電視劇）以及最近期嘅周杰倫（2011年電影版），每次公布選角都會引起哄動，今次助手「加藤」一角花落誰家相信都會成為熱門話題！