晒自拍照驚現蛇精樣 陳茵媺親回咁解釋

20200202
東網電視
更多新聞短片
好誇張!
藝人陳茵媺(Aimee)自從做咗媽咪之後開始少喺螢幕出現,不過佢都會定時更新社交網同粉絲保持互動,呢日佢就上載咗張自拍照,並留言話:「Happiness is found within yourself.(幸福係喺自己內心發掘」」見到佢笑到現腰果眼心情大好,不過佢個下巴都係變咗腰果咁樣,尖得嚟仲要彎,唔少網民都留言話佢P圖P得太勁走晒樣,仲有人問佢係咪動過刀整咗下巴!
難得忙住湊仔嘅Aimee抽時間一一解答網民嘅提問,佢就話如果自己要動刀,首選係加啲靚靚眼睫毛落對眼,仲話自己冇P圖,只係角度問題,仲有其他自拍效果更加搞笑,不過冇上載畀大家睇啫!