本身今日嫁　姜麗文為武漢肺炎延遲婚禮

藝人秦沛愛女姜麗文今日社交網宣布結婚，與圈外男友本身定於今日行禮，不過因應最近的武漢肺炎情況，為了各位的安全和安心，亦基於對家人和親友的尊重，決定延遲婚禮，不過姜麗文依然表示「我們結婚了」，似係已和男友完成簽字儀式。

榮升新外父嘅秦沛回覆東網指好開心，仲大讚新女婿愛錫阿女：「開心！大個女啦！最緊要搵到一個愛佢錫佢嘅人！??❤」而成為人妻嘅姜麗文，亦有向東網表示上星期已有呢個決定，一路等到今日呢個特別嘅日子先宣布：「我哋唔係今日決定嘅 lol 上個禮拜已經決定咗啦！只係因為覺得今日 02022020咁特別嘅日子所以今日先至宣布❤」

姜麗文再喺社交網晒相，自爆老公喺2019年一月時法國求婚，佢仲爽地嗌：「Yes,Of Course！」

姜麗文原文如下：

「我們結婚了??

其實今天本來是我們結婚的日子。不過因應最近的情況，為了各位的安全和安心，亦基於我們對家人和親友的尊重，我們決定延遲婚禮。

經過一年多的籌備，要延遲婚禮絕對不是一個容易的決定，但我們會繼續提醒對方：最重要的是我們找到對方，很恩愛也很健康！所以很感恩！✨

沒事，我們什麼時候都可以慶祝！無論如何，今天對我們來說，永遠是很重要的開心大日子！❤

老公，老婆很愛你！Happy Almost-Wedding Day！」