食足7個生日蛋糕！歐詠怡最想食極唔肥

曾推出寫真集的宅男女神歐詠怡（WingWing）擁有天使面孔魔鬼身材，一直有大批Fans支持，最近她與好姊妹歐詠寶（Yogurt）出寫真月曆，日前兩人為預購的Fans簽名，WingWing說：「始終最近社會氣氛都唔好，希望收到月曆嘅朋友可以感受到正能量同愛啦！」

而日前WingWing生日，人緣甚佳的她與各路好友連環慶祝，吃了至少七個蛋糕，問到生日願望，她說：「當然包括食極唔肥啦！我好鍾意食甜點，最近放肆咗食多咗，之後要收斂番，最想就係狂食甜嘢都唔會肥！仲有係事業順利，大家都身體健康！」