《愛回家》廠外有人嘔　湯盈盈唔太擔心

武漢肺炎肆虐，昨日無綫有一名臨時演員在電視城內嘔吐，嘔吐地點包括拍攝《愛．回家之開心速遞》的11廠外，《愛》劇演員之一的湯盈盈表示對此事有所聞：「我尋日同今日都有開工，成件事保持冷靜，相信公司處理得好好，我唔係太擔心，繼續開工，繼續努力，同埋我哋係有戴口罩，唔係唔可以戴，拍攝時就唔開可以戴，其他時間會戴，勤力洗手。」

而「大小姐」林淑敏表示昨日及今日放假不用拍攝，今早收到有關消息，她強調大家的消毒及衞生意識都很高：「出入錄影廠前會洗手，而且有戴口罩入廠，排戲都會戴，係正式開前先除口罩，我哋酒吧個景係有臨時演員，但佢哋好乖，所以唔太擔心，我都唔會捽眼捽，以前會喺廠食嘢，依家都唔會，總之謹慎啲、乾淨啲。」