咪神歐陽巧瑩將退隱 網民力推索爆阿妹入行

20200205
東網電視
更多新聞短片
歐陽巧瑩有接班人!
34C咪神歐陽巧瑩(Tammy)早前宣布等約滿無綫後就會「退隱」去生仔,當以為會少一個「咪神」睇時,原來網友紛紛向佢個妹歐陽巧霖埋手,大讚佢有潛力頂替家姐入行做藝人!
同Tammy生得一樣咁靚嘅巧霖,係一名化妝師,曾經幫過羅天宇、張建聲同家姐以及姐夫林師傑等人化妝,連家姐影結婚相,個妝都係出自佢手筆!
雖然佢冇家姐咁豪放,但睇得出同家姐一樣咁好身材,以前就仲有啲Baby Fat,但愈大愈靚,平時作風就幾低調,間唔中先露吓事業線,再加上佢同唔少圈中人咁好朋友,相信加入娛樂圈絕對唔係難事!