驚咗武肺唔敢出街！林家謙做宅男寫好歌

歌手林家謙出席電台訪問，為新歌《拼命無恙》宣傳，歌詞是否配合現今疫情？他謂：「唔係，首歌都出咗2，3星期，起初仲覺得歌名有啲唔老黎，但依家就覺得就係大家要努力做好去面對疫情，最緊要個個身體無恙。」

講到他之前贏得「新力軍金獎」遇上今次疫情，工作可有影響？他謂：「唔算太大，因本身幕前工作唔算多，而幕後工作keep住都有，都會幫自己寫歌亦有幫歌手朋友寫。」問到新年可有外出？他謂：「冇出呀，唔敢出，留喺屋企做宅男，多咗時間做幕後嘢。（進度咪快咗？）都會架，真係多咗時間寫詞同寫歌，依家生產力多咗，到時冇事後，就多咗好多作品啦。」