處男下海搵銀！周嘉洛冇拖拍：諗點生存先

藝人周嘉洛出席活動，提到他在台慶頒獎禮奪得最佳男配角，他坦言這個活動是他贏獎後第一個賺錢活動。問到有沒有加酬勞？他謂：「呢個我又唔清楚有冇加價呀！」另外，說到無綫出通告指有人在電視城內嘔吐，已派清楚員工加強消毒廠房，問到可知此事？嘉洛表示：「因為尋日下晝我就收工，不過，今日啲電話群組入面都有講到呢件事，自己唔擔心嘅，咁公司已安排徹底消毒，同埋我哋開廠都緊張清潔方面，劇組人員都有戴晒口罩開工，咁我哋演員因為拍嘢就唔使戴，亦可以慳番啲口罩。」

有否撲買口罩？嘉洛直言未至於要撲：「一，要開工冇時間，二，唔知邊到買，三，惟有盡量限制家人外出，自己除咗返工外，所有飯局取消，慳得一個得一個。」笑問會否連女友快要不約？他即言沒有女友：「我得閒死唔得閒病啦，有時間諗吓點生存先！」

此外，對於《愛．回家之開心速遞》的劉丹和滕麗名先後病倒，嘉洛稱劉丹將於7日復工，而阿滕亦將在日本回港開工，相信已沒有大礙。