護士兒子自願照顧隔離病房 江華:以佢為榮

20200206
東網電視
更多新聞短片
陳耀淙令人肅然起敬!
歌手麥潔文(Kitman)跟江華的兒子陳耀淙(Bryan)是前線醫護人員,由於武漢肺炎肆虐,香港確診患者人數累計21人,據知Bryan是醫院內科(胸肺科/呼吸科)護士,更是自願去隔離病房的護士。
長時間半自我隔離
由於自知高危兼高風險,更加不想連累家人,Bryan在家中已作長時間半自我隔離。東網聯絡江華,他表示兒子自薦入隔離病房前有跟他說過:「佢有同我講過入隔離病房,我認為佢有此舉動係好應該,係做醫護嘅本分。(佢唔敢見你哋,會唔會好心痛?)我唔會心痛,我會以佢為榮!」至於會否擔心兒子,江華則表示:「唔擔心,佢只係盡自己本分, 做該做嘅事,就同上戰場嘅士兵一樣,我只會祝福佢!」
而Kitman則坦言:「我有聽佢講過佢係負責照顧隔離病房,佢係自願嘅,我哋喺whatsapp有個family chat group,佢離開醫院返嚟,就會通知,會話我返嚟,入門口啦,咁我哋就要迴避返入自己房,佢次次都係咁做。」Kitman指個仔放工,會先沖涼,回家會再沖一次,確保安全。
家中的口罩不足
對兒子作為前線醫護人員,Kitman雖痛心,但表示:「我又冇乜擔心,佢好謹慎嘅,而且佢自願做得呢行,都預咗會有呢啲情況。(佢依家工作時間長唔長?係咪成日返到屋企?)有時都聽佢返嚟。」問到家居可有做足防疫措施?Kitman坦言家中的口罩都不夠,她說:「我都叫啲朋友救濟我,因為我一月底喺美國紐約做完嘢返港時,雖然已開始咗疫情,但未係咁嚴重,當我返到嚟,口罩又買唔到,消毒用品都買唔到,依家屋企得番半樽消毒藥水,漂白水嗰啲,所以有朋友畀咗啲口罩我哋用。(你有冇畀個仔用?)我諗佢有,尤其佢係喺隔離病房,應該用嘅口罩係更加安全。」
食飯分兩個時段
由於兒子是醫護人員,對家居的防疫措施特別嚴格,Kitman表示兒子不讓他們任何人進入其房間,連工人清潔都不可以,她說:「我哋依家喺屋企食飯都要分開兩個時段,我哋食完晒返入房,佢先會出房食,呢啲全部係佢要求。」
停晒教唱歌
由於疫情影響,一直有教學生唱歌的她也決定停課:「點會冇影響?我暫時停晒教唱歌到2月10號,到時再睇環境係咪再長啲。」不過Kitman對目前狀況都抱樂觀態度,她希望大家不用太緊張。