不忿無良藥房炒賣 喬寶寶派口罩贈長者

2020年02月08日 17:20
東網電視
更多新聞短片
喬寶寶真係好有心!
武漢肺炎在港肆虐,印度裔藝人喬寶寶也出一分力,中午他相約一班居港的印度老友,在佐敦免費派發口罩給長者街坊,讓65歲以上的長者受惠。見喬寶寶戴上口罩現身並穿上印有「I love HK」字眼的T恤和紅色風褸,向站在街頭輪候的長者派發一包五個口罩,排隊的人龍頗踴躍,街上清一色長者,秩序尚算良好,有長者向喬寶寶揮手表示感謝。喬寶寶稱不忿有無良藥房趁疫情,竟將口罩價格抬高幾倍炒賣,故希望幫助有需要的人特別是基層的長者。
呼籲大家出力幫忙
喬寶寶受訪時透露有個餐廳老闆好有心,之前已去老人院派口罩,亦有派給少數族裔,對方向他表示還有幾萬個口罩在印度未運到,而香港有兩、三萬存貨:「佢問我點做?我哋就一齊派畀啲長者,有啲長者家庭環境麻麻哋,同埋佢哋抵抗力弱啲,初初諗住有幾百人排隊,冇諗過咁洶湧,總共派咗二千個籌,主要派畀65歲以上長者,不過我哋都冇睇佢個長者證會照派,排隊都係想攞口罩啫!」他覺得大家無分種族,視為一家人,在能力範圍內都想幫助社會,他並呼籲更多人,從不同渠道獲得物資捐贈有需要人士,特別是前線醫護人員、前線清潔工和長者。