幫Chilam慳荷包!袁詠儀笠罩修錶

2020年02月13日 22:43
東網電視
更多新聞短片
戴上口罩的張智霖與袁詠儀到中環修理名錶。
向來恩愛的影后袁詠儀(靚靚)與老公張智霖(Chilam),剛度過結婚19周年,多年來持家有道的靚靚,照顧得Chilam兩父子妥妥當當之餘,更不時為老公慳荷包,就算名錶壞咗,亦不打算再購買,只拿往錶行修理。
日前夫婦無懼新冠肺炎肆虐,雙雙現身中環行街拍拖,戴上口罩的兩人發現記者,Chilam即睩大眼。原本頭耷耷、冇厘神氣的靚靚,與老公往附近名錶店行逛時,即時生猛晒,見她指手畫腳與女店員傾到雞啄唔斷,又左騰右騰於櫥窗睇新款,Chilam則坐在一旁慢慢等。約20分鐘後,兩人雙雙步出,靚靚離開時一臉興奮,笑到腰果眼,表現風騷的她,等過馬路時還邊講電話邊丁字腳翹住老公。
健康最緊要
事後聯絡靚靚,問當日是否獲老公送贈結婚周年禮物,她說:「周年禮物一早互送完,當日主要去錶店探個Auntie,我順便攞隻錶去整,因為隻錶壞壞哋,又去開中環。咁都希望我老公好快會送禮物畀我,不過依家最緊要大家身體健康。」