【渉28萬口罩騙案】韓庚師弟被捕過程曝光

2020年02月14日 01:45
東網電視
更多新聞短片
發疫情財嘅下場。
全球口罩供應緊張,人人為求一罩傍身出盡辦法,有人睇中呢個混亂時期借機發疫情財,喺香港就有超過200宗涉款超過100萬嘅口罩騙案,而最近竟然有男藝人捲入騙案被捕!
近日上海浦東警方成功偵破一宗以「賣口罩」為由進行詐騙的案件,嫌疑人黃某某因行騙28萬余元(約32萬港元)被捉拿歸案,因案件涉款超過10萬,若罪成將面對3年以上10年以下的有期徒刑。網上有傳呢位黃某某就係樂華娛樂旗下藝人黃智博,昨晚樂華娛樂於官方微博發聲明證實事件,指已與黃智博解除「訓練生合同」,針對此事件對社會造成的惡劣影響深表歉意,樂華娛樂強烈譴責利用疫情擾亂社會秩序的違法犯罪行為。
剛20歲的黃智博出生於普通家庭,受親朋好友鼓勵下踏上追夢之路,佢係樂華娛樂公司一名練習生,係韓庚等明星嘅師弟。《以團之名》係黃智博參加嘅第一個綜藝選秀節目,最終佢選擇嘅團隊三強不入未有出道機會。於2月4日佢喺微博晒出一張手寫語句為前線抗疫人員打氣,估唔到佢轉頭就借疫情發財,認真諷刺!