一洗植物殺手污名 黃翠如終於種出芽

2020年02月14日 03:33
東網電視
更多新聞短片
希望小種子可以健康快活咁成長。
呢排新冠肺炎肆虐,好多藝人只可以留喺屋企「避炎」,雖然冇得出街,但黃翠如喺屋企都有好多搞作,繼之前煎燶雞翼後,佢今次就唔玩下廚,改為玩種花,原來佢除咗係「地獄廚神」外,仲自爆係「植物殺手」:「家人說我是植物殺手,以前買種子種花,總是失敗。有一次去花墟,那些阿姨說種香草是最容易的,我又買了兩盆回家,兩星期後香草的生命就此完結。」
不過翠如又點會咁易被擊敗,上年年尾仲買咗八粒鬱金香小種子,有過之前失敗嘅經驗,佢今次抱住出芽就當贏嘅心態,點知.......真係恭喜晒呀!翠如終於可以打破「植物殺手」嘅宿命啦!她開心表示:「剛發現有一顆竟然出了花蕾,Yes!有一種終於打破宿命的喜悅。長時間待在家中,發現原來會對家裏的某些小事多了用心,多了細心。處處也有小驚喜。」
網友紛紛讚佢叻同叫佢加油,種花方面就進步咗,至於廚藝呢......抵死嘅翠如臨尾都自抽話:「好吧,我又去研究我的非洲黑雞翼了。」希望翠如嘅廚藝都可以快啲進步啦!