難忘首次公開獻唱 AGA:緊張到想嘔

2020年02月14日 04:14
東網電視
更多新聞短片
AGA將於4月假紅館舉行處女個唱。
歌手AGA(江海迦)今年4月將在紅館舉行處女演唱會,被形容為「唱作才女」的AGA一直視唱片監製舒文為伯樂:「佢對我啲作品好狠㗎,如果唔好聽佢就話唔得喎,呢啲style唔得,我就一路作過第二啲歌。」七年前錄第一首歌《哈囉》,一入錄音室她發覺自己完全唔識唱廣東歌,她說:「可能我由細到大聽嘅歌比較多英文同日文,細個表演嘅歌都係英文歌,原來用廣東話真係完全唔同唱法,嗰時係好沮喪,覺得點解突然間好似唔識唱歌咁囉。」
談及第一次做公開演出,她說當時緊張到想嘔:「我喺後台標晒汗,其實我由17歲開始就去唔同地方唱歌,但唱嘅係英文歌,好有自信對呢樣嘢,但一唱廣東話歌就係另外一回事,(滿意嗎?)梗係唔滿意,返入後台想喊。」之後她繼續鍛煉,由幕後轉做幕前表演者,用了好幾年時間才能夠在舞台上從容獻唱,學識享受台上每次演出。