陳婉衡泰火辣賀情人節　唔做措施玩到紅晒

無綫「咪神」陳婉衡（Alycia）出名身材火辣，呢日喺社交網透露去泰國曬吓太陽吸收維他命D抗炎，見佢着住三點式泳衣喺泳池食早餐相當寫意，雖然佢大騷豐富上圍好吸晴，但今次見佢食足兩份早餐，再加上又同人整埋心心手勢，似乎旅程有人相伴，唔通佢順道慶祝埋情人節？

面對陽光與海灘，Alycia似乎曬太陽曬到得意忘形，曬到有比堅尼印，仲做埋「影後」大騷戰績：「Burnt！（燶咗！）」唔少網友見到佢呢個曬到紅卜卜嘅背面，留言話好心痛，問佢點解冇做好防曬措施？