網民踢爆!唐詩詠見黃翠如原來仲有馬國明

2020年02月14日 11:14
東網電視
更多新聞短片
唐詩詠(左二)上載同黃翠如合照,但就被網民撞到翠如、蕭正楠同馬國明!
喺新冠肺炎肆虐下,唔少人都避免聚會減少感染機會,不過唐詩詠就堅持出去見一個人,難怪佢都話:「呢個時候會出嚟食飯一定係生死之交!」佢就係黃翠如喇!兩人仲唔覺意襯咗着上紅色衫,不過就未有戴上口罩!而詩詠仲送咗一抽提子畀翠如增加維他命C防疫!
雖然相中只有兩人,但就有網民踢爆原來仲有兩男子,佢話喺九龍城見到翠如、蕭正楠同馬國明,有另一網民就留言:「同馬國明慶生🎂順道做紅娘🤭」事關馬國明尋日生日,又咁啱今日係情人節,咁即係兩Pair人一齊慶祝?而最近黃心穎被爆同鼓手泥鯭密會,網民都祝福馬國明,希望佢早日搵到對的人呀!而C君老婆黃天頤就上載馬國明切蛋糕嘅獨照,唔知有幾多人在場呢?