因新冠肺炎歧視華人 台男星赴英被軟禁!

2020年02月14日 12:03
東網電視
更多新聞短片
去到英國被軟禁,今次真係要求救喇!
曾參與拍攝《大學生了沒》的台灣男星黃豪平,今日在社交網發文求救,原來他到英國旅遊時,突然遭酒店以「過去十四天從台灣來的人都要自我隔離」為由軟禁,即使自己沒有任何新冠肺炎症狀,對方態度與語氣仍極不尊重,莫名被酒店軟禁,要求他自我隔離「不能出門也不能退租」。
黃豪平文中提到自己本月3日就到英國,連住多天均未有遇到特殊狀況,即使當地人知道疫情,但沒有對亞洲人有「特殊待遇」,直到入住黑池一間酒店……黃豪平指佢喺Check in前就接到酒店電話,詢問佢嘅旅遊史,當時佢已經覺得奇怪,不過都同對方講自己嚟咗英國十日,身體健康冇任何症狀,到佢入住後與友人外出用膳時,就突然被要求立刻回酒店:「因為他們說過去十四天從台灣來的人都要自我隔離,我跟朋友趕回飯店後遭到極為不尊重人的語氣和態度對待,他們要求我立刻上樓待在房間不得出門,要等待NHS(當地國民保健署)來電釋疑,我迫於重要物品都在房間只能照做。」
幸好後來佢聯絡到一位香港民宿老闆娘前來解救,而酒店老闆就黑晒面向黃豪平取回鑰匙,放佢哋走人,而該香港老闆娘就指本身酒店都唔畀佢哋走,係佢親身嚟帶人走先肯放人,而當地NHS亦同佢解釋指大家都對疫情恐慌,都估唔到會發生不快事。最後黃豪平續指事件純屬意外,但分享出來是希望外出的台灣人都有個警惕,唔少網友都留言叫佢快啲返屋企呀。