結婚兩年 雨僑超級情人節「禮物」贈羅力威

20200214
東網電視
更多新聞短片
雨僑同羅力威唔使再被催喇!
歌手雨僑同羅力威前年結婚,今日雨僑發文宣布有喜:「祝各位情人節快樂!?兒女是耶和華所賜的產業;所懷的胎是祂所給的賞賜。(詩127: 3) 感謝主賜給我們這個寶貴的小生命❤️ 不知道你會比較像爸爸還是媽媽呢?」雨僑亦向東網透露預產期係8月,即依家已佗B近4個月。
而羅力威亦在社交網發文:「呢個世界又多一個小生命喇 從此食飯多雙筷喇 霎時間感覺到天父創造嘅奇妙和天下媽媽們嘅偉大 終於到我們正式加入父母嘅行列 Hello BB你好 首先多謝你畀機會我哋做你爸爸媽媽 請多多指教 你現階段作為一粒bb嚟講 絕對有責任要高抬貴手仔你媽媽個肚 而我相信媽媽亦都會好小心錫住你 唔食大辣 同媽咪好好相處知嗎 c u later luv u?」
食酸嘢就開心
雨僑現已佗B三個月,身體適應上還算可以,只有輕微不適,但口味就有變化,變成無酸不歡,她說:「頭三個月都會有少少唔舒服,突然間喺 Salon洗完頭起身好暈,嚇死我…以為咩事,不過唔嚴重,我知道冇嘔都唔算咩辛苦,食嘢就麻煩少少,日日唔同口味,但主要都係酸嘢就開心啲。」
由於口味變,所以她在這段日子內並沒特別進補:「花膠呀!雞湯呀呢啲Heavy嘢,全部都令我好反胃,所以冇乜進補,現階段BB Size OK,我唔諗住催谷佢啦!都係正常三餐,好間唔時飲吓滴雞精。」至於生仔女生女,Ava表示無所謂,稍後會公布BB 性別。
老公負責煮飯
羅力威和Ava首次做爹哋媽咪,愛妻號阿威當然緊張,除了開工外都陪實太太,不過因為疫情問題,其實兩人都甚少外出,Ava說:「呢段時間都冇乜出過街,依家更加少,都係檢查先出去診所,口罩眼鏡洗手都基本,老公會戴手套負責㩒?開門等等;同之前最大分別係我老公依家煮飯,佢真係完全唔識嘅,我啲師奶教人煮飯係斷估㗎嘛,啲份量、次序講到唔清唔楚,結果都係自己受番,不過佢好努力,進步咗好多,依家都唔差。」
過去一個月疫症肆虐,Ava形容是一種挑戰:「其實呢大半年唔止對懷孕嚟講係挑戰,香港人要好好生活本身就係一個挑戰,加上疫情,係會多少少擔心,但係做媽媽嘅幾時都擔心㗎啦,經歷咁多再迎接小生命,除咗好想畀佢一個快樂嘅童年,我更加懂得將來要教佢做一個正直、善良、堅強嘅人。」暫時Ava大多時間留家養胎,順便煲劇。