一年後的情人節!謝安琪麥浚龍感情昇華

20200214
東網電視
更多新聞短片
Kay同Juno情人節送驚喜!
歌手謝安琪(Kay)跟麥浚龍(Juno)在情人節一次過奉上《我們的基因》和《我在陽台上看你》兩個音樂映畫,Kay的《我》是以17歲她扮演的浦銘心視覺出發,Kay說:「呢個係巧妙之處。如果一年前就派呢首歌,觀眾或者只有甜蜜的感覺。但係,當觀眾同角色一同經歷咗連串高低起跌之後,再回看兩人純粹嘅初衷,確實會畀呢首歌昇華到更深嘅層次,會衍生一種陌生嘅熟悉感。其實人生都一樣,一路行一路行,偶爾回想起過往嘅片段,或者會多咗份味道。正如浦銘心和董折,當初有多希冀,今天就有多失望和碎裂。演繹的時候,聲線裏要帶一份甜,同時也帶啲苦。所以,我也好鍾意音樂映畫裏面,穿插《勇悍•17》同《我在陽台上看你》等部分片段嘅安排,甜與苦其實緊緊相扣。」
在《我在陽台上看你》音樂映畫中,浦銘心站在高高的陽台上看着董折,聚光燈聚焦在董折身上,董折把一根又一根煙抽完,卻不願回家。看似簡單的場面,背後也花盡心思。為架空一個世界,貫徹導演麥浚龍的拍攝風格,製作團隊捨棄了租借現成陽台的選擇,特意租用了大型片廠,讓kay登上樓高五層的燈橋拍攝,將情景格調化。
她說:「呢個音樂映畫場景設計好有感覺。用一束光分野出浦銘心同董折喺對方心中嘅地位。浦銘心將所有視野聚焦喺董折身上,就似將自己嘅人生全都押上去,佢嘅世界只有他,但他卻愈來愈冷漠。浦銘心嗰時完全唔知點樣解開呢個結。我感受到浦銘心嘅撕心裂肺與壓抑,聲音嘅演繹上,比較似一種帶着壓抑的內心吶喊。」kay續指故事的發展,加上歌詞細膩有力,讓她更體會到浦銘心的進退兩難,在錄音室錄製這首歌曲的時候,也數度哽咽,強忍着淚水去演繹,也想不到正好符合了監製的要求,唱出了情緒洶湧而帶點壓抑的情感。