羅力威擔心雨僑疫情下佗B：老婆好堅強！

歌手雨僑今日在社交網報喜宣布做媽媽，準爸爸羅力威（阿威）即表示非常感動，他覺得BB是自己最大的禮物，又指只要雨僑和BB健康，自己並不計較是囝囝或囡囡。由於近日疫情嚴重，阿威都難免擔心：「好擔心啊，但老婆呢段時間都好堅強，好叻，而我都盡最大的能力去照顧太太，幫忙處理家中大小事情，例如煮吓飯、煲湯、整吓糖水咁，最緊要太太開心同希望平安健康。」

作為音樂才子，相信小寶寶將會成為羅力威的全新音樂靈感，他都直認將來想為BB寫歌，又想寫歌去讚揚老婆，歌頌媽媽的偉大，絕對是愛妻號。阿威亦已經準備好做一個好爸爸：「我希望可以和小朋友好似朋友咁相處，親近多啲令佢開開心心成長，永遠都有個開心嘅童年。」