靚女形象幻滅!衛詩雅頹爆失戀Look嚇人

2020年02月14日 16:31
東網電視
更多新聞短片
衛詩雅打破靚女形象。
藝人衛詩雅(Michelle)、唐禹哲、陳逸寧主演的愛情小品《熟女愛漫遊》,將於3月上映,戲中女主角衛詩雅飾演芳齡29歲的輕熟女陶莎莎,是一名戀愛、旅遊KOL,為了將現代女性的真實一面呈現,當中有幾場戲Michelle都決定以素顏上陣,不過睇返Playback都覺得好自然,坦言最緊要配合角色需要。當中一場戲講述即將踏入30歲人生關口前嘅陶莎莎,突然被拍拖13年的男友Paul(周俊偉飾)提出分手,深受失戀打擊的她終日宅在家,三日三夜不出街、不打扮,只顧煲劇實行頹廢到底。Michelle謂:「導演初頭同我講,其中一場戲會將我建立多年嘅靚女形象打破,會幫我打造一個最頹廢嘅失戀Look示人,但我覺得做演員唔會介意本身嘅形象,所以都叫導演放心搞,結果出嚟第一次化完個妝,都有少少嚇親自己,不過睇睇吓又覺得頹得嚟都不失可愛,所以都幾Enjoy,因為平時真係冇咩機會可以搞到自己咁頹,希望觀眾睇完都會鍾意我呢個咁特別嘅髮型!」