又香又實際！黃美棋情人節收「廁紙花燈」

新冠肺炎爆發下，唔只一罩難求，一紙都好難求，不過黃美棋就好彩有個體貼嘅男友鍾健威，唔使驚去廁所冇紙巾用喇，皆因對方趁今日情人節送咗份相當「珍貴」嘅禮物，就係大束「廁紙花燈」！

黃美棋將相片上載到社交網，網友大讚鍾健威「出手很重」，佢就表示：「史上最強情人節花束廁紙花，仲要有我成個人咁高，我想講佢竟然諗到用之前買落嘅廁紙放上盞燈度，自製呢個又實用又香嘅花，係真係好驚喜，thank you so much !!!! 祝大家手情人節快樂。」黃美棋大讚禮物相當實用，又指廁紙唔係搶番嚟，係之前特價時入貨，依家想買都買唔到！