林心如獲囡囡送包包　陳妍希入廚餵飽老公

今日係情人節，相信唔少女士都會期待收到咩禮物，或者花盡心思預備驚喜畀另一半，希望呢日過得開心。作為台灣人妻代表嘅林心如同陳妍希，不約而同喺社交網發閃！

林心如上載由女兒「小海豚」用泥膠製作嘅心形手袋，雖然唔係真包包，但個袋設計非常有心思，有雙手同一對眼，睇嚟小海豚好有藝術細胞，難怪心如開心留言：「最美好的禮物，謝謝寶貝貝！」至於陳妍希就選擇露兩手，整情人節大餐，有牛扒有蝦，賣相相當唔錯，網民都大讚「入得廚房，出得廳堂」呀！