新冠肺炎肆虐　關嘉敏珍惜眼前人

組合Bingo成員關嘉敏（Carman）很關心新冠肺炎疫情，睇報道更會睇到喊：「感覺呢個世界真係變得好快，你唔會知下一秒發生咩事。」為此她更創作了短片《沒有隔離的二月十四天》，帶出珍惜當下、珍惜眼前人的訊息。

首次編劇的她問了很多人的意見：「好多嘢都唔識，問咗好多人嘅意見，而同我一齊創作嘅演員徐浩昌真係好好，喺後製剪片嘅時候我有好多諗法又多多意見，連我自己都覺得自己煩，但佢不厭其煩地改完又改，到真係完成咁，就好似有個BB出世咁，好感動！」她亦開心很多朋友讚好睇，希望可以創作更多短片給大家睇。