同張景淳戀情浮面?呂慧儀晒蜜照當宣傳

20200214
東網電視
更多新聞短片
呂慧儀大晒同張景淳嘅蜜照。
藝人呂慧儀、單立文與劉丹等,為無綫處境劇《愛.回家之開心速遞》拍攝外景,現時新冠肺炎肆虐,學生復課日子又再延期至3月中,呂慧儀坦言屆時未必安排仔仔立刻上課:「會諗啲嘢畀佢喺屋企學,見網上教學會拎落嚟教佢,同埋買定晒練習畀佢做。(多咗親子時間?)一路都咁上下,我唔使返工就喺屋企。」提到她與緋聞男友張景淳於網上晒甜蜜相,引來網友留言指二人戀情地上化,呂慧儀對此說:「冇戀情,其實啲相係同網上平台合作,配合番套劇啫,冇諗過大家咁大反應。」
機前機後唔畀打茄輪
早前因發燒而請假數天的劉丹覆工後已精精奕奕,日前開工時笑指劇組上下非常疼錫他,令拍攝進度順利,問到眾人可有減少NG?呂慧儀即自首說:「全劇最多NG係我,不過都係一次起兩次止啫!」對於疫情暫未減退,一眾演員亦未有掉而輕心,單立文幽默說:「公司定咗,Cut機後同公眾地方都唔可以打茄輪。(咁你同老婆胡蓓蔚都減少Kiss?)隔住口罩OK,但每次都要換口罩。(咁你咪換好多口罩?)哈!我冇打好多年啦!」
劉丹指孫女「小糯米」的學校已展上網上教學,他說:「佢不知幾興奮,喺個屏幕見到成班同學仔,一日上幾堂,開始咗幾日,呢個方法幾好,佢上得好開心,我諗學校都會繼續。」