情人節隔空放閃　李彩華訂口罩扶老

藝人李彩華（Rain）去年2月與內地商人Eric拉埋天窗，踏入結婚一周年，日前兩人在港恩愛慶祝，Rain獲丈夫送上鮮花，相當溫馨。今日情人節因Eric已返內地工作，他們雖未能共度，Eric亦相當識做越洋送公仔和花氹妻，透過視像一解相思之苦。問到會否感可惜，Rain說：「唔會，近日香港受疫情影響，都唔想有咩慶祝活動。」她表示有關注疫情發展，並說：「早前同醫生朋友夾份喺外地訂咗一萬個口罩，到港後會免費派畀長者，希望可以盡一點心意。」