舉家北海道滑雪!陳琪買口罩Mission失敗

2020年02月15日 02:28
東網電視
更多新聞短片
陳琪舉家北海道滑雪。
不少藝人也趁農曆年與家人出埠度歲,雖然當時新冠肺炎已開始蔓延,但仍無阻他們勇氣,如陳琪與胡諾言便一早訂好機票住宿,一家五口飛北海道二世古,展開為期7日的滑雪之旅。
陳琪接受東網訪問時透露以往與朋友到日本,離不開購物,但今次卻除了四圍搜購口罩,對其他購物欲也提不起勁,她說:「我每日車三個小朋友去上堂,跟住就去買餸煮嘢食等佢哋返嚟,中間冇嘢做就去搵口罩,但我Mission係失敗,唔明啲同事點解可以買到幾十盒擺上網晒冷,我去便利店、藥房都買唔到,後來超市係一個家庭每日只可買一盒,我連續兩日買到兩盒小朋友口罩,有人叫我買完再排,但我覺得要尊重番人哋嘅規定,所以我冇咁做。」
問到為何不搜購成人口罩?陳琪表示現階段小朋友較為重要,大人可以用其他方法保護自己:「其實我哋到埗第二日先到二世古,當時都冇人戴口罩,所以感受唔到疫情帶嚟嘅壓迫感,到之後幾日就開始犀利,同行嘅家庭同我講買咗600個口罩,我仲話佢誇張,點知後來到我真係買唔到,咪得兩盒小朋友口罩,同幾Pack濕紙巾囉!」