胡鴻鈞中晒毒　廢寢忘餐追《愛的迫降》

由韓國型男玄彬同女星孫藝珍合演嘅劇集《愛的迫降》正在熱播，唔少網友中晒《愛》劇毒，個個話玄彬喺劇中夠晒暖男又討好，紛紛話想做玄太！

但估唔到呢個毒連歌手胡鴻鈞都中埋，佢唔單止煲劇，識得彈琴嘅佢，仲拍埋片彈埋男主角玄彬作畀哥哥嘅歌，他說：「最近煲愛的迫降煲到天荒地暗廢寢忘餐，劇入邊男主角李正赫送畀佢哥哥首歌《Piano for brother》更加係打入咗我《一聽難忘不能忘記你》嘅系列，我決定藏拙不如獻醜，彈呢首歌送畀大家！」唔少網友話估唔到佢都有煲劇之餘，彈琴仲相當有魅力添！