占基利受訪撩女記者被網民圍插

2020年02月15日 09:08
東網電視
更多新聞短片
占基利受訪被批評撩女記者。
荷里活喜劇之王占基利(Jim Carrey)日前為宣傳新片《超音鼠大電影》(Sonic the Hedgehog)而接受英國雜誌女記者Charlotte Long訪問,占爺被問到自己會否像片中超音鼠般有沒有「遺願清單」(Bucket List)尚未做的事情?他即起描淡寫回答:「只有你。」立即令女記者尷尬地掩嘴笑。之後占爺再補多句:「就是這樣,現在都完成了。」女記者回應:「嘩,我不知道該怎樣回應!」占爺帶笑說:「接受它就成。」
不過占爺呢個笑話唔係個個受,有好多網民批評他是「無恥之徒」,另有網民留言說:「本來我是占基利嘅忠實fans,不過我今日就失去了我對佢嘅尊重。這實在唔可以接受,我祝福同希望佢向你(Charlotte)道歉。」但同時亦有網民唔覺占爺的言論有問題。有網民說:「我覺得呢個小小引誘冇咩問題,只要佢唔係講緊佢嘅私處就冇問題。」亦有占爺fans指今次個笑話「唔完美,可接受,但可改進。」