撇拍拖8年女友 畢書盡遇真愛即閃婚

2020年02月15日 11:04
東網電視
更多新聞短片
咁……咁突然?!仲…轉埋人?!
台韓混血歌手畢書盡(Bii)昨晚(14日)忽然喺微博上載拖手照宣布結婚,突如其來嘅消息嚇親一眾粉絲,Bii更直呼:「我想牽緊跟她一起,走到人生的下半輩子。」當大家都以為係先前被拍到、交往八年嘅女友時,點知畢書盡經理人證實畢太另有其人:「兩位女生沒有重疊,上一段結束才認識這個女生,兩個人交往沒有很久,不到一年!」
畢書盡經理人續表示女方係圈外人,不方便透露太多細節,只表示女方同畢書盡年紀差不多大,係甜美型,雙方係共同朋友介紹識,而經理人自己都係今個星期先知畢書盡登記結婚,兩人並非昨日登記,又表示女方沒有懷孕:「若有懷孕,會在好的時機跟大家說!」經理人公司對於畢書盡喺台灣落地生根給予極大祝福。